Keyword Research #2. Ինչպես ընտրել բանալի բառեր ձեր կայքի համար. Գործիքներ

Երբ արդեն սպառել եք Ձեր կոլեկտիվի ու Ձեր երևակայությունը, կատարել եք ամբողջ աշխատանքը ցանցից դուրս, կարելի է դիմել նաև տեխնոլոգիաներին։ Այս նյութում կհասկանանք, թե որ գործիքները Ձեզ առավել օգտակար կլինեն։

3-keys-to-modern-keyword-research-update-your-strategy-and-tools-for-2017

Continue reading

Keyword Research #1. Ինչպես ընտրել բանալի բառեր ձեր կայքի համար. Աշխատանք ցանցից դուրս

Ինչպես արդեն գիտենք, SEO ռազմավարության ընթացքում մեր կարևոր գործերից մեկը բանալի բառերի ուսումնասիրությունն ու դրանց ցանկի կազմումն է։ Որպեսզի ավելի խորը պատկերացնենք, թե ինչպես լավ անել այս գործը, պետք է նախ հասկանանք, թե ինչպես է ներկայումս աշխատում Google-ը։

search-engines-all-category-ss-1920-800x450

Continue reading

SEO իրականացում. Առաջին քայլերը ռազմավարության մշակումից հետո

Երազանքի նման բան է, որ SEO-ի մասին սկսեն մտածել դեռևս կայքը ստեղծելուց առաջ: Այդ դեպքում հնարավոր կլինի հաշվի առնել մի շարք հանգամանքներ, ովքեր էապես կարող են ազդել որոնողական համակարգերում ապագա կայքի դիրքերի վրա: Այդ գործոնները կարելի է բաժանել տեխնիկական և կառուցվածքային տեսակների:

SEO. technical and structural issues

Այսպիսով` ինչին է պետք ուշադրություն դարձնել SEO պլանն իրականացնելուց առաջ. Continue reading

8 քայլ, թե ինչպես ճիշտ մշակել SEO ռազմավարություն

Մենք արդեն քննարկել ենք, թե ինչպես քթածակով ընտրել ճիշտ SEO ռազմավարություն: Այս ամենն ավելի պրակտիկ, քան թե տեսական մակարդակում ներկայացված է այս նյութում: Պարզվում է, SEO ռազմավարություն մշակելու համար մեզ անհրաժեշտ է 8 հաջորդական քայլեր: Որպես արդյունք մենք ստանալու ենք փաստաթուղթ` SEO Research Document (SRD):

seo1

Continue reading

Ինչպես Google-ի օգնությամբ կատարել բանալի բառերի ուսումնասիրություն (keyword research)

Google-ը որոնողական համակարգերի շարքում արքան է, գլխավոր գործող անձը, ուստի հենց նա էլ առաջին օգնականն է, երբ դուք ուզում եք SEO-ի նպատակներով կատարել հետազոտություն, keyword ու էլի լիքը տարբեր research-ներ:

Մենք արդեն գիտենք Google-ի 16 օգտակար հնարքներ, որոնցով կարելի էր ճիշտ փնտրում կատարել համացանցում, ու դրանք մեզ կօգնեն նաև այս հարցում: Կարևորը` լավ տիրապետել դրանց ու ճարպկորեն գործի դնել: Գնացինք.

Ինչպես Google-ում կատարել որոնողական շուկայի ուսումնասիրություն

1.Ինչպես պարզել, թե ովքեր են բացի ձեզնից հիշատակել ձեր կայքի հասցեն կամ անունը, հղում տվել կամ ինչ-որ կերպ առնչվել Ձեզ հետ:

merkayqeh.am -site:merkayqeh.am

Այս փնտրումով կստանաք բոլոր այն էջերը բացի ձեր կայքից, որոնք հիշատակել են ձեր կայքի անունը: Օրինակ, եթե ինչ-որ նոր հրապարակում եք արել կայքում, որը կարող էր հղվել այլ կայքերի կողմից, կարող եք այս կերպ գտնել, թե որ կայքերն են հղվել ձեզ:

Հատկապես, եթե ձեր կայքի դոմեյնը ներառում է ձեր շուկայում բանալի համարվող բառ, ապա այս եղանակով դուք կիմանաք ձեր մրցակիցների ու մյուս բոլոր գործող անձանց մասին:

2. Հետազոտել բանալի բառերը

Ձեզ հետաքրքիր բանալի բառով որոնողական համակարգերում իրավիճակը ստուգելու համար կարող եք ոչ միայն ուղղակի փնտրել այն, այլ փնտրել էջերի title-ներում կամ anchor-ներում.

intitle:բանալիբառ

inanchor:բանալիբառ

3. Գտնել նմանատիպ բանալի արտահայտություններ

Եթե դուք ձեր հետազոտության սկզբում ցանկանում եք հասկանալ, թե ընդհանրապես ինչ արտահայտություններ են պտտվում ձեր ոլորտի կայքերում` ձեր բանալի բառով, ապա կարող եք օգտագործել դրա համար հայտնի * օպերատորին.

բանալի * բառ

4. Պարզել, թե որոնք են ձեր կայքի ամենաուժեղ էջերը

Եթե ցանկանում եք հասկանալ, թե ձեր կայքի որ էջերն է Google-ը ավելի բարձր գնահատում որոնողական համակարգում, ապա անում ենք հետևյալ հնարքը.

www site:merkayqeh.am

Մոտավորապես նույն արդյունքը պետք է ստանաք նաև հետևյալ կոմբինացիաներով.

inurl:merkayqeh site:merkayqeh.am

merkayqeh site:merkayqeh.am

Նույն կերպ, կարող եք նայել ամենալավ ինդեքսացված նկարները, կամ նայել այս ամենը որոշակի ժամանակի համար` օգտվելով ժամանակի կարգավորումներից:

5. Պարզել ձեր կայքի ամենաուժեղ էջերն ըստ որոշակի բանալի բառի

Գրեթե նույն սխեմայով ուսումնասիրում ենք, թե մեզ հետաքրքրող բանալի բառի մասով մեր կայքի որ էջերն են Google-ի կողմից ավելի բարձր գնահատականի արժանացել.

բանալի բառ site:merkayqeh.am

intitle:բանալիբառ site:merkayqeh.am

inanchor:բանալիբառ site:merkayqeh.am

Հուսով ենք, այս կոմբինացիաները թույլ կտան ձեզ անել լավ keyword research: Բայց սա ամենը չէ, այս ամենն օգտագործելու համար պետք է գործի դնել մի փոքր քթի ծակ ու արդյունքներն ուղղակի ֆանտաստիկ կարող են լինել:

16 հնարք, թե ինչպես ճիշտ փնտրել Google որոնողական համակարգում

Ուրեմն, շատերս են դժվարանում մեզ անհրաժեշտ բաները փնտրել և գտնել Google-ում, որովհետև համաշխարհային սարդոստայնն այնքան է մեծացել, որ հիմա նույնիսկ փնտրում անելու համար անհրաժեշտ են հատուկ հնարքներ: Սովորում ենք դրանցից մի քանիսը.

Ինչպես փնտրել ամեն ինչ Google-ում

1.Բացառել բանալի բառը փնտրումից

Այսպես, եթե ցանկանում եք փնտրումից բացառել որևէ բանալի բառ, ապա պետք է օգտագործել -բանալիբառ կոմբինացիան: Այսպես, եթե դուք ցանկանում եք փնտրել Ռոնալդոյին, բայց ոչ պորտուգալացուն, ապա կարող եք գրել.

Ռոնալդո -Կրիշտիանու

և Google-ը ձեզ կներկայացնի բոլոր այն արդյունքները, որոնց մեջ կա Ռոնալդո, բայց չկա Կրիշտիանո:

2. Հստակ բանալի բառով փնտրում

Google-ը շատ հաճախ, չգտնելով ձեր փնտրմանը համապատասխան արդյունքներ կամ այլ արդյունքները համարելով ավելի պետքական, ձեզ է առաջարկում ձեր հարցման բանալի բառի որոշակի փոփոխություններով արդյունքներ: Սակայն, եթե դուք ուզում եք արդյունքներ հստակ այն բառի կամ արտահայտության համար, որը գրել եք, ապա պետք է հարցումն ուղղակի առնել անգլերեն չակերտների մեջ`

“բանալիբառ”

3. Երկու տարբեր բանալի բառերով փնտրում

Եթե դուք փնտրում եք արդյունքներ միանգամից երկու բանալի բառի համար, ապա նրանց միջև պետք է գրել ОR: Օրինակ.

marathon OR race

Սա կարող է պետք գալ այն ժամանակ, երբ տվյալ բառը ունի հոմանիշներ կամ նման իմաստով բառեր, իսկ ձեզ պետք են տվյալ հարցմամբ ամբողջական տվյալներ:

4. Փնտրել Google+ էջեր

Իհարկե, այս ֆունկցիան Google-ը ավելացրել է զուտ իր պրոդուկտը առաջխաղացնելու համար, ու շատ քչերին սա պետք կգա, բայց իմացեք` Google+ հարթակում էջ փնտրելու համար պետք է հարցման սկզբում կամ վերջում ավելացնել +:

+բանալիբառ կամ բանալիբառ+

5. Փնտրել սոցիալական ցանցերի հաշիվներ կամ թեգեր

Սոցիալական ցանցերում սրա-նրա հաշիվը կամ էջը փնտրելու համար պետք է ավելացնել @ սիմվոլը հարցման սկզբում: Օրինակ`

@Leo Messi

Նույն կերպ թեգեր փնտրելու համար անհրաժեշտ է ավելացնել # սիմվոլը:

6. Երբ ինչ-որ արտահայտության մեջ մոռացել եք մի բառ

Օրինակ, ինչ-որ ասացվածքի կամ երգի մեջ մոռացել եք մեկ կամ մի քանի բառ, և ցանկանում եք գտնել դա: Պետք է բաց թողնվելիք տեղերում ուղղակի դնել * սիմվոլը: Օրինակ`

Կարմիր * կաշին չի փոխի

7. Փնտրել կոնկրետ գնով ապրանք

Եթե դուք փնտրում եք որևէ ապրանք ինչ-որ կոնկրետ գնով, ապա կարող եք օգտագործել $ նշանը և գրել Ձեր ցանկացած գինը: Իհարկե, եթե ձեր փնտրած ապրանքը վաճառվում է դոլարով: Օրինակ`

Օփել $2500

Կարող եք նշել նույնիսկ որոշակի գնային սահմաններ` օգտագործելով .. նշանները:

Օփել $2500..$3000

8. Փնտրել կոնկրետ կայքում

Ուղղակի հարցման մեջ գրում ենք site: ու գրում կայքի հասցեն, օրինակ`

օփել site:auto.am  կամ ուղղակի օփել :аuto.am

9. Փնտրել բառեր դոմեյնի մեջ

Եթե փնտրում եք կայք կամ էջ, որի դոմեյնի կամ հասցեի մեջ առկա է այս կամ այն բառը, պետք է օգտվել inurl: կոդից: Օրինակ, ենթադրենք ուզում եք կայք, որի մեջ լինի goal բառը.

inurl:goal

Եթե ցանկանում  եք, որ հասցեի մեջ լինի միանգամից երկու բառ, ապա գրում ենք`

inurl:goal inurl:pass կամ allinurl:goal pass

10. Փնտրել Title-ի` էջի վերնագրի մեջ

Նույն տրամաբանությամբ, ինչ նախորդը`

intitle:գոլ

allintitle:գոլ պաս

11. Փնտրել Anchor-ի մեջ

Նույնանման փնտրումով, բայց inanchor: կոդով, ստանում ենք էջեր, որոնք ունեն ամենաշատ կամ ամենաուժեղ backlink-երը մեր հարցումով.

inanchor:գոլ կամ allinanchor:գոլ պաս

Այս հարցումով մենք կստանանք այն էջը, որը ստանում է մեծ քանակով կամ ուժեղ բեքլինկեր` գոլ բառի վրա:

12. Փնտրել միայն տեքստի մեջ

Եթե ուզում եք փնտրել միայն տեքստի մեջ, այլ ոչ վերնագրերի, նկարների կամ այլ մասերի, ապա պետք է նշել intext: կոդը:

intext:goal

13. Փնտրել կոնկրետ տեսակի ֆայլեր

Կոնկրետ տեսակի ֆայլեր փնտրելու համար պետք է նշել ֆայլերի տեսակը հետևյալ կոդերից հետո` filetype: կամ ext:, օրինակ.

արամե filetype:mp3 կամ ռեֆերատ ext:docx

14. Փնտրել որևէ կայքի նման կայքեր

Եթե ունեք կայք, ուզում եք գտնել նմանատիպ այլ կայքեր, ապա.

related:imkayqy.am

15. Գտնել տեղեկատվություն որևէ կայքի մասին

Եթե ուզում եք ստանալ որևէ կայքի մասին տեղեկատվություն, մասնավորապես` title-ն ու description-ը.

info:imkayqy.am

16. Դիտել cache-ը

Երբ է Google-ը վերջին անգամ եկել ու վերցրել ինֆո կայքից: Այս կոդով դուք կտեսնեք կայքն այնպես, ինչպես նրան տեսել է Google-ը վերջին անգամ:

cache:imkayqy.am

Կարևոր!

Նշենք, որ այս կոդերը կարելի է օգտագործել նաև միասին, օրինակ

camera $500 inurl:canon intitle:S520

Այս դեպքում Google-ը կփորձի ձեզ համար գտնել 500 դոլարանոց կամերա մի կայքից, որի հասցեի մեջ անպայման կա canon բառը, իսկ վերնագրում` S520-ը:

Ավելի շատ նման հնարքներ կարող եք գտնել այստեղ: Իսկ եթե ուզում եք ինքներդ փնտրել, ուղղակի իմացեք, որ այս կոդերը կոչվում են Google Operators: Փնտրեք և կգտնեք: